اسلام آباد( نیوز رپورٹر)۔ پچھلے دس ماہ میں پاکستان کا اشیائے خوردونوش اور توانائی کے زرائع کا درآمدی بل 24 ارب 77 کروڑ ڈالر سے تجاوز کر گیا ۔ یہ بات قابل زکر ہے کہ گزشتہ سال انہیں دس ماہ کا درآمدی بل 15 ارب ڈالر تھا۔ اسطرح اس مالی سال میں امپورٹ بل میں 58 فیصد اضافہ ہوا ہے۔ ادارہ شماریات کے مطابق امپورٹ بل میں اس ریکارڈ سطح تک اضافہ پاکستانی روپے کی ڈالر کے مقابلے میں بےقدری، یوکرائن جنگ کی وجہ سے خوردنی تیل، غذائی اجناس اور زرائع توانائی کی قیمتوں میں اضافے کی وجہ سے ہوا ہے۔ واضح رہے کہ درآمدی بل اور تجارتی خسارہ پاکستانی معیشت پر دباو میں مسلسل اضافہ کر رہے ہیں اور کرنٹ اکاونٹ خسارہ مسلسل بڑھ رہا ہے۔