واشنگٹن ( نیوز رپورٹر) ۔ انٹرنیشنل انرجی ایجنسی نے خبردار کیا ہے کہ دنیا توانائی کے حوالے سے ” انرجی شاک ویو” سے گزر رہی ہے۔ یورپ اور ایشیائی ممالک توانائی کے بحران کا شکار ہیں۔ ایجنسی نے اپنی رپورٹ میں مزید کہا ہے کہ اگر روسی تیل اور گیس پر مکمل پابندی عائد کی گئی تو عالمی معاشی بحران بدترین شکل اختیار کر سکتا ہے جس پر قابو پانا ممکن نہیں رہے گا۔ توانائی کی اتنی قلت پیدا ہو سکتی ہے کہ یورپ سمیت دنیا کے کئی ممالک دیوالیہ ہو سکتے ہیں۔