روس کے صدر ولادی میر پیوٹن نے توانائی کے حوالے سے منعقدہ ایک اہم اجلاس میں روسی تیل و گیس کی پیداوار مکمل طور پر بند کئے جانے کی افواہوں کی سختی سے تردید کرتے ہوئے کہا ہے کہ روس اوپیک پلس کے فیصلوں کی مکمل پاسداری کرے گا۔ انہوں نے دو ٹوک موقف اختیار کرتے ہوئے کہا کہ روس پر جتنی بھی پابندیاں عائد کر دی جائیں روس تیل کے کنویں بند نہیں کرے گا۔ انہوں نے مزید یورپی ممالک کو گیس کی سپلائی بند کرنے کی بھی تردید کی۔ انہوں نے مفصل طور پر کہا کہ روس ایک عالمی طاقت ہے جسکے بغیر نہ تو عالمی معیشت مکمل ہے اور نہ ہی روبل کے بغیر فاریکس مارکیٹس کا کوئی وجود۔ انہوں نے روسی کرنسی روبل کی قدر میں تاریخی اضافے پر بھی خوشی کا اظہار کیا۔