عالمی معاشی ادارے مارگن اسٹینلے ( Morgan Stanley ) نے رواں سال کے تیسرے معاشی کوارٹر میں خام تیل ( Crude Oil ) کی قیمتوں کے بارے میں نظر ثانی شدہ تخمینہ رپورٹ ( Revised Forecast Report ) جاری کر دی ہے۔ ادارے کی جاری کردہ رپورٹ کے مطابق سال کے تیسرے معاشی کوارٹر کے دوران خام تیل کی اوسط قیمت 98 ڈالر فی بیرل تک رہے گی۔ واضح رہے کہ اس سے قبل جاری کردہ تخمینہ رپورٹ میں اسی کوارٹر کے دوران عالمی مارکیٹس میں خام تیل کی قیمت 110 امریکی ڈالر فی بیرل تک رہنے کی پیشگوئی کی گئی تھی۔