واشنگٹن( نیوز رپورٹ) یوکرائن جنگ کے بعد نیٹ فلیکس کے سبسرائبرز کی تعداد میں 2 ملیئن کی کمی کے بعد کمپنی کے شیئرز کی قدر پانچ سالوں میں کم ترین سطح پر آ گئی تھی ۔ گزشتہ دنوں میں 2022 ء کے تیسرے کوارٹر کے لئے نیٹ فلیکس کے کمپنی کی طرف سے درمیانے درجے کے اہداف سیٹ کئے گئے ہیں۔ جن میں پیکجز کا نئے سرے سے تعین بھی شامل ہے۔ اسی وجہ سے گزشتہ تین دن سے امیریکن مارکیٹس میں نیٹ فلیکس کے شیئرز کی قدر میں نمایاں اضافہ دیکھا گیا ہے۔ یہاں یہ بھی بتاتے چلیں کہ نیٹ فلیکس انتظامیہ کی طرف سے شیئر ہولڈرز کے لئے 2.72 ڈالرز فی شیئر کے منافع اور بونس شیئرز کا اعلان بھی کیا گیا ہے ۔ آج نیسڈق میں نیٹ فلیکس( NFLX ) کی فی شیئر قدر 201.63 کی سطح پر آ گئی ہے۔