لاہور( فاریکس اپڈیٹ)۔ امریکی ڈالر پاکستان کے نامساعد معاشی حالات میں روپے کو مسلسل پچھاڑ رہا ہے۔ روپے کی بے قدری کا سلسلہ کہیں بھی تھم نہیں رہا ہے۔ آج 54 پیسے کے اضافے کے ساتھ امریکی ڈالر 210 روپے 50 پیسے اور اوپن مارکیٹ میں 213 روپے کا ہو گیا ہے۔ معاشی ماہرین کے مطابق ملک میں ذرمبادلی کے ذخائر انتہائی کم رہ گئے ہیں۔ نہ تو چین سے اڑھائی ارب ڈالر ملے ہیں اور نہ ہی آئی ایم ایف معاہدے کو بحال کر رہا ہے ۔ ایسی معاشی صورتحال سے مارکیٹ میں مسلسل افواہیں پھیل رہی ہیں اور سرمایہ کار بھی بے یقینی کا شکار ہیں۔ ماہرین کے مطابق یہ مہینہ پاکستان کی معاشی تاریخ کا سب سے مشکل وقت ہے۔ اگر ایک یا دو دن میں کوئی بیل آوٹ پیکیج نہ آئی تو صورتحال مزید بگڑ سکتی ہے۔