پاکستانی روپے کی قدر میں گراوٹ کا سلسلہ تیسرے دن بھی جاری ہے۔ آج 2 روپے اضافے کے ساتھ انٹربینک میں امریکی ڈالر 218 روپے 50 پیسے اور اوپن مارکیٹ میں ایک روپے اضافے کے ساتھ 219 روہے 50 پیسے کی سطح پر آ گیا ہے۔ یہ بھی بتاتے چلیں کہ پچھلے تین دن میں امریکی ڈالر کی قدر میں پانچ روپے سے زائد اضافہ ہو چکا ہے۔ ملک کی سنگین معاشی صورتحال، درآمدی آرڈرز کا کلیئر نہ ہونا اور بارشوں کے باعث 30 سال کے عرصے کی بدترین سیلابی صورتحال یہ وہ عوامل ہیں جو کہ پاکستانی روپے کی قدر میں مسلسل گراوٹ کا باعث بن رہے ہیں۔