پاکستانی مرکزی بینک ( State Bank of Pakistan ) نے اگلےدو ماہ کے لئے مانیٹری پالیسی جاری کر دی ہے۔ بینک کی طرف سے جاری کردہ بیان میں کہا گیا ہے کہ گزشتہ دو ماہ کے دوران معاشی سرگرمیوں میں سست روی آئی ہے۔ بیان میں یہ بھی کہا گیا ہے کہ ملک کے کرنٹ اکاؤنٹ خسارے (Current Account Deficit ) میں کمی واقع ہوئی ہے۔ سٹیٹ بینک کے جاری کردہ بیان میں یہ بھی کہا گیا ہے کہ اجناس کی ترسیل رسد کے مسائل کی وجہ سے افراط زر کی شرح اور مدت میں اضافہ ہو سکتا ہے۔ تاہم آنے والے دنوں میں طلب (Demand ) میں کمی کی وجہ سے مہنگائی میں بھی کمی آئے گی۔ سٹیٹ بینک کی مانیٹری پالیسی کو مجموعی طور پر مثبت قرار دیا جا رہا ہے۔