آسٹریلیا کے ادراہ شماریات (Institute of Statistics ) نے سال 2022 ء کے تیسرے کوارٹر کی تجارتی قیمتوں ( Trade Prices Report ) کی رپورٹ جاری کر دی گئی ہے۔ جاری کئے گئے اعداد و شمار کے مطابق برآمدات (Exports ) کی قیمتوں میں 3.6 فیصد کمی واقع ہوئی ہے جبکہ کورونا کی وجہ سے ہونیوالے چینی لاک ڈاؤن کی وجہ سے عدم استحکام رسد کی وجہ سے درآمدات (Imports ) کی قیمتوں میں 3 فیصد اضافہ ہوا ہے۔ واضح رہے کہ اس سے قبل جاری کئے گئے تجمینے میں برآمدات کی قیمتوں کے 7 فیصد بڑھنے کی پیشگوئی کی گئی تھی۔ یہ رپورٹ توقعات کے برعکس منفی اعداد و شمار پر مشتمل ہے اور اس کے معیشت پر منفی اثرات مرتب ہوں گے۔