امریکی فیڈرل ریزرو کے سربراہ پاول نے آج مانیٹری پالیسی پر بریفنگ دی۔ انہوں نے امریکی معیشت میں افراط زر پر قابو پانے کے لئے پالیسیز کے سختی سے نفاذ پر زور دیا۔ انہوں نے مزید کہا کہ وہ مانیٹری ٹولز کا استعمال اسوقت تک جاری رکھیں گے جب تک وہ افراط زر دو فیصد کا ہدف حاصل نہیں کر لیتے۔ انہوں نے یہ بھی کہا کہ کساد بازاری کے اثرات لیبر مارکیٹ پر بری طرح سے اثر انداز ہو سکتی ہے۔ فیڈرل ریزرو کے سربراہ نے کہا کہ کساد بازاری کے اثرات زائل ہونے اور مارکیٹس کی سست روی ختم کرنے میں کچھ عرصہ لگ سکتا ہے اور اس دوران ضرورت پڑنے پر شرح سود میں اضافہ بھی کیا جا سکتا ہے۔ انہوں نے کہا کہ مارکیٹ نارملائزیشن کے دورانیے کا تعین نہیں کیا جا سکتا لیکن امریکہ کامقصد حتمی طور پر کساد بازاری کو ختم کرنا ہے۔