آج سے یورپ کو نارڈ اسٹریم 1 پائپ لائن کے ذریعے گیس کی سپلائی تین دن کے کئے معطل کر دی گئی ہے۔ روس کی سرکاری گیس سپلائی کی کارہوریشن گیز پروم کے مطابق تین دن کے لئے یورپ کو گیس کی سپلائی مرمت اعر مینٹینینس کے لئے معطل کی گئی ہے۔ دریں اثناء کریملن کے ترجمان کے مطابق نارڈ اسٹریم کی بندش یورپ اور امریکہ کی طرف سے روس کے خلاف عائد کی جانیوالی پابندیوں کے اثرات ہے۔ ترجمان نے مزید کہا کہ روس اپنے عوام کے خلاف غیر منصفانہ اقدامات کا جواب دینے کا حق محفوظ رکھتا ہے اور روس ان غیر دوستانہ اقدامات کے باوجود بھی یورپی عوام کے لئے گیس فراہم کر رہا ہے۔ ترجمان نے یہ بھی کہا کہ یورپ میں توانائی کی موجودہ صورتحال کا ذمہ دار خود یورپ ہے۔ واضح رہے کہ گذشتہ ماہ یورپ کو گیس سپلائی کرنیوالی پائپ لائن نارڈ اسٹریم 1 پائپ لائن کے ذریعے رسد میں 20 فیصد بہاؤ میں کمی کر دی گئی تھی جس کے بعد یورپ میں توانائی کے بحران نے شدت اختیار کر لی تھی۔