دنیا کی سب سے بڑی کرپٹو ایکسچینج بائنانس نے USD بینک ٹرانسفر معطل کر دیئے ہیں۔ انتظامیہ کے مطابق یہ پابندی عارضی طور پر لگائی گئی ہے جس سے صارفین کی بہت کم تعداد متاثر ہو گی۔

چیف ایگزیکٹو چینگ پینگ زیاؤ نے اپنے بیان میں ٹیکنیکی بنیادوں پر امریکی ڈالر کے ٹرانسفر میں پیدا ہونیوالے مسائل اور سروس کے بند ہونے کی تصدیق کرتے ہوئے کہا ہے کہ ان کی ٹیم اس حوالے سے کام کر رہی ہے اور بہت جلد نئے میکانزم کے تحت سروس بحال ہو جائے گی۔

انہوں نے یہ بھی کہا ہے کہ کرپٹو کرنسیز کی خرید و فروخت کا متبادل طریقہ اس معطلی سے متاثر نہیں ہوا اور اسکے زریعے ٹریڈ کسی رکاوٹ کے بغیر جاری ہے۔ انہوں نے بائنانس کے 1.8 ملیئن ٹوئٹر فالوورز کو یقین دہانی کروائی کہ ایکسچینج کی تمام سہولیات سرمایہ کاروں کے لئے کام کرتی رہیں گی اور ریگولیٹری اتھارٹیز کے ساتھ کسی بھی معاملے پر اختلاف نہیں ہے۔