پاکستان اسٹاک مارکیٹ میں آج کاروباری دن کا اختتام مثبت سطح پر ہوا ہے۔ تاہم ملک میں سیلاب اور سیاسی عدم استحکام کی وجہ سے آئی ایم ایف کی طرف سے معاہدے کی توثیق کے مثبت ٹریگر کے باوجود مارکیٹ مکمل طور پر مومینٹم حاصل نہیں کر سکی۔ آج کے۔ایس۔ای ہنڈرڈ انڈیکس 155 پوائنٹس کے اضافے کے ساتھ 42351 کی سطح پر بند ہوا۔ آج شیئر بازار میں 18 کروڑ 12 لاکھ حصص کا لین دین ہوا۔ جن کی مجموعی مالیت 7 ارب 20 کروڑ روپے سے زائد رہی۔ آج مارکیٹ میں معمول سے کم والیوم اور کیپٹیلائزیشن دیکھنے میں آئی۔