US Non Farm Payroll Report آج جاری کی جائے گی۔ لیبر مارکیٹ میں یہ رپورٹ سب سے زیادہ اہمیت کی حامل ہے جسے Bureau of Labor Statistics پبلش کرتا ہے.اسکے گہرے اثرات معیشت اور مارکیٹس دونوں پر ہی مرتب ہوتےہیں

U.S Non Farm Payroll  Report کی اہمیت

۔فرسٹ ریپبلک بینک کے دیوالیہ ہونے اور عالمی بینکنگ بحران سنگین شکل اختیار کر لینے کے بعد یہ پہلی NFP Report ہو گی۔ اس طرح اپریل 2023ء کا یہ ڈیٹا بحران کے لیبر مارکیٹ پر مرتب ہونیوالے اثرات ظاہر کرے گا۔ اس کے علاوہ فیڈرل ریزرو اور یورپی مرکزی بینک کی مانیٹری پالیسیز کے بعد دباؤ کا شکار امریکی ڈالر NFP سے سپورٹ حاصل کرنے کی کوشش کرے گا۔ اس لحاظ سے عالمی مارکیٹس کے سرمایہ کار محتاط انداز اختیار کئے ہوئے اس اہم ترین ڈیٹا کے پبلش ہونے کا انتظار کر رہے ہیں۔

اپنے قارئین کو بتاتے چلیں کہ اس رپورٹ کے اعداد و شمار سے امریکی لیبر مارکیٹ میں ملازمین کی کل تعداد کا تعین کیاجاتا ہے۔ لیکن ان میں سرکاری عہدہ رکھنے والے، فارمز کے ورکرز اور گھریلو ملازمین شامل نہیں ہوتے کیونکہ ان کا ڈیٹا الگ سے مرتب کیا جاتا ہے۔

آج کی NFP بارے میں پیشگوئی کی جا رہی ہے کہ مارچ 2023ء کے دوران امریکی لیبر مارکیٹ میں 1 لاکھ 90 ہزار نئی ملازمتوں کا اضافہ ہوا ہے۔ یہاں یہ بھی بتاتے چلیں کہ مارچ 2023ء کی نان فارم پے رول رپورٹ میں 2 لاکھ 36 ہزار ملازمتوں کا اضافہ ہوا تھا۔

اس طرح گزشتہ رپورٹ کی نسبت اپریل میں نئی ملازمتوں کے کم اجراء کی توقع ہے کیونکہ معاشی ماہرین اس رپورٹ کو افراط زر کے اتار چڑھاؤ سے تشبیہہ دے رہے ہیں۔ معاشی ماہرین کے مطابق اپریل میں لیبر مارکیٹ پر دباؤ برقرار رہا۔ جس کی بنیادی وجوہات سنٹرل بنک کی پالیسیز اور عالمی مالیاتی بحران ہیں.

 مارکیٹس پر ممکنہ اثرات۔

مثبت امریکی NFP رپورٹ کے نتیجے میں امریکی ڈالر کی طلب (Demand) میں کمی اور قدر میں گراوٹ واقع ہو سکتی ہے۔ جبکہ گولڈ سمیت دیگر کماڈٹیز،اسٹاکس اور کرپٹو کرنسیز کی قدر میں اضافہ ہو سکتا ہے کیونکہ شرح سود (Interest rate) میں اضافے کے لئے فیڈرل ریزرو جن معاشی رپورٹس پر انحصار کرتا ہے ان میں نان فارم پے رول سرفہرست ہے۔

جیروم پاول FOMC کی آئندہ میٹنگ میں نرم مانیٹری پالیسی کا اعلان کر سکتے ہیں جس کا اشارہ وہ مئی کی مانیٹری پالیسی میٹنگ کے بعد پریس کانفرنس میں دے چکے ہیں۔ کیونکہ مثبت لیبر ڈیٹا سے مارکیٹس کا Risk Sentiments نیچے آ جاتا ہے۔ اور امریکی ڈالر کی طلب (Demand) میں کمی جبکہ گولڈ اور اسٹاکس کی طلب میں روائتی طور پر اضافہ ہوتا ہے۔

رپورٹ کے اجراء سے آدھے گھنٹے کے بعد انتہائی تیزی کا مومینٹم اگلے چند گھنٹوں تک قائم رہ سکتا ہے۔ تاہم 4 گھنٹوں کے بعد Bullish Momentum نارمل ہونا شروع ہو جاتا ہے۔ بالخصوص گولڈ اور پلاٹینیئم کے معاملے میں ایسا ہی ہوتا ہے۔ جبکہ امریکی ڈالر کئی دن کیلئے دفاعی انداز اختیار کر لیتا ہے اور تمام عالمی مارکیٹس (Global Markets) ایک واضح سمت اختیار کر جاتی ہیں

منفی NFP کے اعداد و شمار کی صورت میں امریکی ڈالر کی قدر و طلب میں زبردست اضافہ واقع ہوتا ہے اور یورو (EUR), برطانوی پاؤنڈ (GBP), سوئس فرانک (CHF) اور آسٹریلیئن ڈالر (AUD) سمیت دیگر طاقتور عالمی کرنسیز میں گراوٹ واقع ہوتی ہے۔ اسی طرح گولڈ اور اسٹاکس کی طلب Risk Factor میں اضافے کے باعث کم ہو جاتی ہے۔

اثرات رپورٹ کے اجراء کے پہلے آدھے گھنٹے میں اپنے پورے عروج پر ہوتے ہیں اور 4 گھنٹوں کے بعد ردعمل کی شدت قدرے کم ہو جاتی ہے لیکن اس صورت میں بھی تمام مارکیٹس اگلی کسی بھی معاشی رپورٹ کے آنے تک ایک واضح Direction اختیار کر لیتی ہیں۔ روائتی طور پر ایسا ہوتا ہے تاہم گذشتہ ماہ منفی رپورٹ کے باوجود اسٹاکس اور کماڈٹیز میں جارحانہ رجحان دیکھا گیا اور Bonds Yields میں کمی کا تسلسل جاری رہا۔

ماہرین اسی وجہ سے گذشتہ تین ماہ کی رپورٹس کو کساد بازاری کا پہلو قرار دے رہے ہیں۔ آج رپورٹ کے اجراء سے قبل مارکیٹس محتاط انداز میں ٹریڈ جاری رکھے ہوئے ہیں۔