رواں ہفتے کے آغاز سے کرپٹو مارکیٹ میں شروع ہونے والے تیزی کے رجحان کا تسلسل آج بھی جاری ہے۔ بٹ کوائن 1 ہزار ڈالر اضافے کے ساتھ 22 ہزار ڈالر کی نفسیاتی حد عبور کرتے ہوئے 22193 کی سطح پر ٹریڈ کر رہا ہے۔ ایتھیریم ( Ethereum ) 1700 ڈالرز کی حد عبور کرتے ہوئے 1723 ڈالرز فی کوائن پر مسلسل اوپر ٹریڈ کر رہا ہے۔ سولانا( Solana ) بھی 4 ڈالرز اضافے کے بعد 37 ڈالرز کے لیول پر آ گیا ہے۔ دیگر کرپٹو کرنسیز کی قدر میں بھی نمایاں اضافہ ریکارڈ کیا گیا ہے۔