US PCE Report ریلیز کر دی گئی۔ جس کے بعد امریکی ڈالر انڈیکس (DXY) میں معمولی اتار چڑھاؤ دیکھا جا رہا ہے۔

US PCE Report کی تفصیلات

امریکی محکمہ شماریات (U.S Bureau of Economic Analysis) کے جاری کردہ اعداد و شمار میں Core PCE Inflation کی ریڈنگ 4.1 فیصد سالانہ رہی۔ جبکہ مارکیٹ توقعات 4.2 فیصد تھیں۔ جبکہ Headline Inflation کی سطح 3 فیصد ہر آ گئی ہے جو کہ 3 فیصد متوقع تھی۔

جاری کئے گئے ڈیٹا کا جائزہ لیں تو صارفین کی Income میں سابقہ ریڈنگ کی نسبت 0.3 فیصد اضافہ ہوا۔ جبکہ 0.5 فیصد کا تخمینہ تھا۔ دوسری طرف Personal Spending کی سطح میں ماہانہ 0.5 فیصد اضافہ ریکارڈ کیا گیا ہے۔ جبکہ معاشی ماہرین 0.4 فیصد کی پیشگوئی کر رہے تھے ۔ یعنی قوت خرید میں تو کمی واقع ہوئی ہے۔ لیکن اخراجات میں اضافہ ہوا۔ رپورٹ کا یہ حصہ منفی اور افراط زر (Inflation) کے منفی اثرات کو ظاہر کر رہا ہے۔

مارکیٹ کا ردعمل

اعداد و شمار جاری ہونے کے بعد امریکی ڈالر انڈیکس (DXY) میں اتار چڑھاؤ جاری ہے۔ U.S Federal Reserve کے فیورٹ گیج کے ان معمولی اثرات کی بڑی وجہ یہ ہے کہ اگست میں FOMC کی میٹنگ شیڈولڈ نہیں ہے۔ اس لئے آئندہ ماہ کا Inflation Data فیڈ کے نقطہ نظر سے زیادہ اہمیت کا حامل ہو گا جس کے ایک ہفتے بعد مانیٹری پالیسی کا جائزہ لیا جائے گا۔