امریکی محکمہ شماریات نے کنزیومر پرائس انڈیکس (CPI) رپورٹ جاری کر دی ہے۔ جاری کردہ اعداد و شمار کے مطابق امریکہ میں ستمبر 2022ء کے دوران افراط زر (Inflation ) کی شرح 8.2 فیصد تک پہنچ گئی ہے۔ جبکہ اس سے قبل سی۔پی۔آئی 8.1 فیصد رہنے کی توقع ظاہر کہ گئی تھی۔ واضح رہے کہ ستمبر کے دوران افراط زر میں 0.3 فیصد اضافہ ریکارڈ کیا گیا ہے۔ جبکہ Core CPI کی شرح 6.5 فیصد رہی ہے اور اس میں ستمبر 2022 کے دوران 0.6 فیصد اضافہ ہوا ہے۔ جبکہ گذشتہ رپورٹ میں ماہانہ افراط زر میں 0.3 فیصد اضافہ ہوا تھا۔ اس طرح یہ رپورٹ توقعات کے برعکس زیادہ رہی ہے ۔ اس ڈیٹا کے واضح اثرات ڈالر انڈیکس اور معاشی اعشاریوں پر مرتب ہوں گے۔