آج آسٹریلین اسٹاک ایکسچینج (ASX) میں ملا جلا رجحان دیکھنے میں آ رہا ہے۔ آج جاری ہونیوالے مثبت CPI ڈیٹا کے باوجود چین کی طرف سے خام اور تیار شدہ مال کی رسد بحال کرنیکی اطلاعات کی تردید کے بعد سرمایہ کار مسلسل سائیڈ لائن نظر آ رہے ہیں۔ ASX200 انڈیکس 30 پوائنٹس کے اضافے کے ساتھ 7284 کی سطح پر آ گیا ہے۔ اب تک یہ 18 کروڑ 46 لاکھ آسٹریلین ڈالرز کی سرمایہ کاری کا حجم حاصل کر چکا ہے۔

نیوزی لینڈ اسٹاک ایکسچینج (NZX) میں آج سرمائے کا بہترین حجم اور متاثرکن شیئرز والیوم نظر آ رہے ہیں۔ NZX50 آج 156 پوائنٹس کے اضافے کے ساتھ 11552 کی سطح پر آ گیا ہے یہی اسکی آج کے دن میں بلند ترین سطح ہے۔ جبکہ اب تک مارکیٹ میں 7 کروڑ 36 لاکھ شیئرز کا لین دین ہو چکا ہے۔