میپل لیف سیمنٹ میں آج مسلسل تیسرے روز دن Bullish Rally ریکارڈ کی گئی۔ جس کی بنیادی وجہ ملک میں سیمنٹ کی قیمتوں اور طلب میں ہونیوالا اضافہ ہے۔ محکمہ شماریات کی رپورٹ کے مطابق گذشتہ چار ماہ کے دوران سیمنٹ کی قیمتوں میں 75 فیصد اضافہ ہوا جس کے بعد سے مجموعی طور پر اس سیکٹر میں تیزی کا رجحان ریکارڈ کیا جا رہا ہے۔ رپورٹ میں بتایا گیا ہے کہ سیمنٹ کی صنعتوں میں استعمال ہونیوالے خام مال کی قیمتیں بین الاقوامی سطح پر بڑھ گئی ہیں۔ جس کے اثرات پاکستانی مارکیٹ پر بھی مرتب ہو رہے ہیں۔

امریکی ڈالر کے مقابلے میں پاکستانی روپے (USDPKR) کی قدر میں مسلسل گراوٹ سے بھی اسکی قیمتیں آسمان سے باتیں کر رہی ہیں۔ یہی وجہ ہے کہ فیکٹریوں کو ریکارڈ منافع حاصل ہوا ہے۔ اسکے علاوہ قطر اور آذربائیجان کے ساتھ ہونیوالے سیمنٹ کی برآمدات (Exports) کے معاہدوں سے بھی اس سیکٹر کی اسٹاک ویلیو میں تیزی آئی ہے۔

میپل لیف سیمنٹ کا تعارف

میپل لیف سیمنٹ فیکٹری (MLCF) پاکستان اسٹاک ایکسچینج کے متحرک اسٹاکس میں شامل ہے۔ اسے انٹرا۔ڈے کے لئے انتہائی موزوں خیال کیا جاتا ہے لیکن موجودہ سطح پر اسکی Holding اگلے دو سے تین ماہ کے دوران 100 فیصد منافع دے سکتی ہے۔ آج مجموعی طور پر میپل لیف نے 72 لاکھ 75 ہزار سے زائد شیئرز کا والیوم حاصل کیا۔ جبکہ اسکی مارکیٹ کیپیٹلائزیشن میں 2.37 فیصد اضافہ ریکارڈ کیا گیا۔

گذشتہ ایک سال کے دوران اسکی کم ترین سطح 19 روپے اور بلند ترین 39 روپے 2 پیسے رہی ہے۔ میپل لیف سیمنٹ فیکٹری کا قیام 13 اپریل 1960ء میں کمپنیز ایکٹ 1913ء کے تحت عمل میں لایا گیا (جسے بعد میں کمپنیز آرڈیننس 1984ء سے تبدیل کر دیا گیا تھا) میپل لیف دراصل کوہ نور ٹیکسٹائل ملز اور گروپ کی ذیلی کمپنی ہے ۔ یہ گروپ ٹیکسٹائل کمپوزیٹ اور ٹیکسٹائل اسپننگ سیکٹر کے علاوہ سیمنٹ، پاور جنریشن، کیپیٹل انویسٹمنٹ اور ٹیکسٹائل ویونگ سیکٹرز میں ایک نمایاں مقام رکھتا ہے جس سے ظاہر ہوتا ہے کہ گذشتہ 63 سالوں کے دوران گروپ اپنے صنعتی پیداواری بزنس کو کئی سمتوں میں Diversify کر چکا ہے اور بہترین گروتھ ریٹ کے ساتھ آگے بڑھ رہا ہے۔

میپل لیف کا بنیادی سرمایہ اسکے قیام کے وقت 2 کروڑ 33 لاکھ روپے رکھا گیا تھا۔ تاہم پاکستان اسٹاک ایکسچینج میں اسکا ادا شدہ سرمایہ 1 ارب شیئرز سے بھی بڑھ چکا ہے جو کہ پرائیویٹ سیکٹر میں بہت کم کمپنیوں کا پروفائل ہے۔ اس کے آزادانہ ٹریڈنگ کے لئے دستیاب شیئرز کی تعداد 48 کروڑ 30 لاکھ سے زائد ہے۔ جو کہ اسکے مجموعی حجم کا 45 فیصد بنتا ہے۔ اسکا طویل المدتی ہدف 75 روپے فی شیئر کی سطح کا حصول ہے۔

ٹیکنیکی تجزیہ۔

آج میپل لیف سیمنٹ فیکٹری (MLCF) کے اسٹاکس میں کاروباری سرگرمیوں کا آغاز 26.91 کی سطح سے ہوا۔ اس کی کم ترین سطح 26.81 رہی۔ جس کے بعد یہ Bullish Rally کی صورت میں اپنی آج کی بلند ترین سطح 27.97 تک پہنچ گیا۔ اس طرح یہ اپنی 7 ، 21 اور 100 روزہ Moving Average سے اوپر جبکہ 200DMA کے بالکل قریب ٹریڈ کرتا ہوا ریکارڈ کیا گیا۔

اسکا ریلیٹو اسٹرینتھ انڈیکس (RSI) 50 سے اوپر آ گیا ہے جو کہ Bullish Sentiment کے جاری رہنے کی علامت ہے۔ آج کی ٹریڈنگ کی حدود کا جائزہ لیں تو 24.95 اسکا Lower Lock اور 28.99 Upper Cap ہے۔ موجودہ سطح پر MLCF کی مزاحمتی حدیں (Resistance Levels) 27.80, 28..10 اور 28.40 ہیں۔ آج اس میں 72 لاکھ 75 ہزار شیئرز کا لین دین ہوا

۔ موجودہ سطح سے نیچے اسکے سپورٹ لیولز 27.40, 27.10 اور 26.80 ہیں۔ تیسری عبور کرنے پر اسے 30 کا نفسیاتی ہدف عبور کرنے کے لئے درکار اسٹرینتھ حاصل ہو جائے گی۔ جس سے آنیوالے دنوں میں میپل لیف 35 سے 40 کے درمیان ٹریڈ کرتا ہوا دکھائی دے سکتا ہے۔

اسکے ٹیکنیکی انڈیکیٹرز اسے 65 فیصد Bullish اور 20 فیصد Bearish جبکہ 15 فیصد Sideways ظاہر کر رہے ہیں۔ اس طرح اسکا مجموعی جھکاؤ اور ارتکاز (Bias) بھی Bullish ہے۔ اسکے لٹیکنیکی انڈیکیٹرز موجودہ سطح کو خریداری کے لئے موزوں ترین لیول ظاہر کر رہے ہی