توانائی کے بحران پر قابو پانے کے لئے پاکستان کو پیٹرو چائنا انٹرنیشنل سنگاپور سے لیوئڈ گیس کی کم ترین بولی موصول۔۔۔اسلام آباد( نیوز) ۔ حکومت پاکستان نے ملک میں جاری توانائی کے بحران پر قابو پانے کے لئے بین الاقوامی ایل این جی سپلائی کمپنیز سے کوٹیشنز طلب کی تھیں جن میں سنگاپور کی پیٹرو چائنا انٹرنیشنل کی طرف سے کم ترین قیمت پر ایل این جی سپلائی کرنے کی پیشکش کی گئی ہے۔ جبکہ وائٹل بحرین اور ٹوٹل انرجیز کی طرف سے بھی مناسب قیمت پر پیشکش کی گئی ہے۔ پاکستان ایل این جی لمیٹڈ کے ذرائع کے مطابق ان تینوں کے ناموں کو فائنل کر لیا گیا ہے اور امید ہے کہ رواں ماہ سے ہی پاکستان کو ان کمپنیز کی طرف سے سپلائی شروع کر دی جائے گی۔ ان کمپنیز کی جانب سے 22 ڈالر سے 23 ڈالر فی ملیئن مکعب فٹ کی پیشکش کی گئی ہے جو کہ اسوقت کے بین الاقوامی حالات کے تناظر میں مناسب ترین پیشکشیں ہیں۔ گیس کی ترسیل 28 سے 29 جون تک مکمل ہونے کا امکان ہے۔