کراچی( اسٹاک مارکیٹ سمری)۔ عید الاضحی کی چھٹیوں کے بعد پہلا دن زبردست تیزی کے رجحان پر اختتام پزیر ہوا۔ کے۔ایس۔ای ہنڈرڈ انڈیکس 518 پوائنٹس کے اضافے کے ساتھ 41862 کی سطح پر بند ہوا۔ آج مارکیٹ میں پچھلے کاروباری ہفتے کی نسبت بہتر والیوم دیکھنے کو ملا۔ شیئر بازار میں مجموعی طور پر 16 کروڑ 48 لاکھ شیئرز کے سودے طے پائے۔ جن کی مجموعی مالیت 6 ارب 48 کروڑ روپے سے زائد رہی۔ آج کا والیوم لیڈر 1 کروڑ 49 لاکھ شیئرز کے ساتھ ٹی۔پی۔ایل پراپرٹیز رہا۔ جبکہ ا کروڑ 35 لاکھ شیئرز کے ساتھ سوئی ناردرن پائپ لائنز لیمیٹڈ دوسرے اور ننانوے لاکھ شیئرز کے ساتھ آئل اینڈ گیس ڈویلپمنٹ کارپوریشن تیسرے نمبر پر رہی۔