امریکہ چین تعلقات میں نئی تاریخ: صدر شی جن پنگ کا دورہ اور عالمی معیشت پر اثرات

جب بھی دو بڑی معیشتیں آمنے سامنے آتی ہیں یا باہمی تعاون کا اعلان کرتی ہیں، تو اس کا اثر دنیا بھر کے ٹریڈرز اور سرمایہ کاروں پر پڑتا ہے۔ چینی صدر شی جن پنگ کے دورہ واشنگٹن US China Summit کے دوران جو اہم سفارتی پیش رفت سامنے آئی اور اسکے بعد جاری کئے جانیوالے بیانات نے عالمی معیشت کا رخ بدلنے کی صلاحیت کو اجاگر کیا ہے۔ اس مضمون میں ہم جائزہ لیں گے کہ کس طرح دو عالمی طاقتوں کے مابین یہ تعلقات فنانشل مارکیٹس بالخصوص فاریکس اور کموڈٹیز کو متاثر کرتے ہیں۔

US China Summit کیوں اہم ہے؟

ماہرینِ معیشت کے نزدیک، اس US China Summit میں ہونے والے فیصلوں سے عالمی سپلائی چین (supply chain) کے خدشات میں کمی واقع ہوئی ہے۔ جب دنیا کی دو بڑی معیشتیں باہمی تعاون کی راہ اپناتے ہیں، تو اس کا براہ راست اثر رسک اپیٹائٹ (Risk Appetite) پر پڑتا ہے۔

جب مارکیٹ کو یہ یقین ہو جاتا ہے کہ تجارتی جنگ Trade War کے بادل چھٹ رہے ہیں، تو ادارہ جاتی سرمایہ کار محفوظ پناہ گاہوں سے نکل کر رسکی اثاثوں کا رخ کرتے ہیں۔ یہ تبدیلی ٹریڈرز کے لیے پوزیشننگ (positioning) کو تبدیل کرنے کا سنہری موقع فراہم کرتی ہے۔

ملاقات کے بعد میں دیئے گئے بیانات

اس US China Summit میں دونوں رہنماؤں کی جانب سے دیے گئے بیانات نے مارکیٹ کے شرکاء کو تعلقات کی ممکنہ سمت کے حوالے سے نئی معلومات فراہم کی ہیں۔ چینی صدر شی جن پنگ نے واشنگٹن میں اپنے خطاب اور ملاقاتوں کے دوران کہا کہ چین اور امریکہ دونوں کو باہمی تعاون سے فائدہ ہوگا، جبکہ محاذ آرائی کی صورت میں دونوں ممالک کو نقصان اٹھانا پڑے گا۔

انہوں نے مزید کہا کہ دونوں ممالک کے درمیان مقابلہ ایک صحت مند مقابلہ ہونا چاہیے اور اسے ایک مخصوص دائرے میں رہنا چاہیے۔ ان کے مطابق یہ ایک دوسرے سے آگے نکلنے کی دوڑ ہونی چاہیے، نہ کہ ایسی کشمکش جس میں ایک فریق کی جیت اور دوسرے کی ہار ہو۔

دوسری جانب، امریکی صدر ڈونلڈ ٹرمپ نے بھی باہمی تعاون اور تجارت کے حوالے سے مثبت خیالات کا اظہار کیا۔ انہوں نے کہا کہ اگر دونوں ممالک اپنے مشترکہ مفادات پر توجہ مرکوز کریں تو بہت کچھ حاصل کیا جا سکتا ہے۔

ٹرمپ کے مطابق، دونوں ممالک کی ٹیموں کے درمیان اقتصادی اور تجارتی مشاورت کے تازہ ترین دور کے اچھے نتائج سامنے آئے ہیں، جبکہ دونوں فریق ایک زیادہ متوازن تجارتی تعلقات کو فروغ دینے کے لیے کام کر رہے ہیں۔

ان بیانات سے ظاہر ہوتا ہے کہ دونوں ممالک کے درمیان تعلقات میں Managed Competition کا تصور نمایاں ہو رہا ہے، جس میں مسابقت برقرار رکھتے ہوئے براہِ راست محاذ آرائی کو محدود کرنے اور اقتصادی و تجارتی تعاون کے لیے گنجائش پیدا کرنے پر زور دیا جا رہا ہے۔

عالمی سرمایہ کاری کی حوصلہ افزائی

امریکی صدر اور چینی صدر کی جانب سے APEC Economic Leaders meeting اور G20 Summit میں ایک دوسرے کی حمایت کا اعلان محض سفارتی خوش اخلاقی نہیں ہے، بلکہ یہ عالمی تجارت کے لیے ایک روڈ میپ ہے۔

جب سرمایہ کار یہ دیکھتے ہیں کہ دنیا کی دو بڑی جی ڈی پی (GDP) رکھنے والی طاقتیں بین الاقوامی پلیٹ فارمز پر ایک دوسرے کے ساتھ تعاون کر رہی ہیں، تو کارپوریٹ سیکٹر کا اعتماد بحال ہوتا ہے۔ اس اعتماد کا براہ راست اثر ایکویٹی مارکیٹس (Equity Markets) اور کراس بارڈر انویسٹمنٹ (Cross Border Investment) پر پڑتا ہے۔

مارکیٹس کا ردعمل

فاریکس مارکیٹ میں کرنسی کے جوڑے ہمیشہ اہم عالمی خبروں پر فوری ردعمل ظاہر کرتے ہیں۔ جب US China Summit کے دوران یہ خبر سامنے آئی کہ چین اور امریکہ نے نئے تجارتی انتظامات طے کر لیے ہیں، تو مارکیٹ میں ایک محتاط توازن دیکھنے میں آیا۔

آسٹریلیئن ڈالر کو چینی معیشت کی پراکسی کرنسی کہا جاتا ہے۔ چونکہ اسکی سب سے زیادہ طلب چینی مارکیٹس سے ہی پیدا ہوتی ہے۔ اس لئے چین کے حوالے سے آنیوالی خبروں پر سب سے پہلا ردعمل یہی دیتی ہے۔ US China Summit سے مثبت بیانات سامنے آنی پر AUDUSD قدرے دباؤ کا شکار رہا اور معمولی 0.05 فیصد کمی کے ساتھ 0.7000 کی سطح پر ٹریڈ کرتا رہا۔

دوسری جانب USDCNY دو طرفہ مذاکرات اور ٹریڈ وار ختم ہونے کی خبروں کے بعد قابو میں رہا، جس سے ظاہر ہوتا ہے کہ مارکیٹ نے دونوں ممالک کے درمیان کشیدگی میں کمی کو فوری طور پر قیمتوں میں شامل کیا۔ اسی طرح Gold میں بھی محتاط رویہ دیکھا گیا، جبکہ جیو پولیٹیکل رسک پریمیم میں کمی واقع ہوئی۔

مجموعی طور پر، مارکیٹ نے US China Summit کے نتائج کو مثبت انداز میں لیا، تاہم سرمایہ کاروں نے فوری طور پر بڑے پیمانے پر پوزیشنز لینے کے بجائے محتاط رویہ اختیار کیا۔ مارکیٹ کی توجہ اب اس بات پر مرکوز ہے کہ طے پانے والے تجارتی انتظامات کس حد تک عملی شکل اختیار کرتے ہیں اور طویل مدتی بنیادوں پر دونوں ممالک کے تجارتی تعلقات میں کیا تبدیلی آتی ہے۔

حاصل کلام

امریکہ اور چین کے مابین ہونے والا US China Summit اس بات کی یاد دہانی ہے کہ بڑی طاقتیں محاذ آرائی کے بجائے معاشی بقائے باہمی کے فوائد کو بہتر طور پر سمجھتی ہیں۔ فنانشل مارکیٹس ہمیشہ اس قسم کے مثبت اشاروں کا خیرمقدم کرتی ہیں، بشرطیکہ یہ اقدامات پالیسی کی سطح پر عملی شکل اختیار کریں۔

ایک تجربہ کار سرمایہ کار کے طور پر، ہمیشہ اس بات کو مدنظر رکھنا چاہیے کہ منڈیوں میں طویل مدتی استحکام صرف زبانی جمع خرچ سے نہیں بلکہ پائیدار تجارتی معاہدوں سے آتا ہے۔آپ کا اس بارے میں کیا خیال ہے؟ کیا آپ کے نزدیک اس US China Summit کے بعد عالمی افراط زر (Inflation) کو کم کرنے میں مدد ملے گی؟ اپنی رائے سے ضرور آگاہ کریں۔

Source: Reuters News Agency https://www.reuters.com/

انتباہ

Urdu Markets پر موجود تمام خبریں، تجزیے اور Market Information صرف معلوماتی اور تعلیمی مقصد کے لیے ہیں۔ کسی بھی Trading Decision یا سرمایہ کاری سے پہلے اپنی تحقیق ضرور کریں اور ضرورت پڑنے پر معاشی ماہرین سے رہنمائی حاصل کریں۔ مارکیٹ تیزی سے بدل سکتی ہے، اس لیے ہر فیصلہ سوچ سمجھ کر کریں۔