آج ڈالر کے مقابلے میں یورو مستحکم دکھائی دے رہا ہے اور 1.5650 پر کل کی قیمتوں سے قدرے اضافے پر مثبت زون میں ٹریڈ کر رہا ہے۔ برطانوی پاونڈ بھی 0.7 فیصد اضافے کے ساتھ مثبت سمت میں ٹریڈ کر رہا ہے۔ دوسری طرف سوئس فرانک نے بھی آج پورا دن ڈالر کو ٹف ٹائم دیا ہے اور 1.0410 کے لیول پر مثبت سمت میں حرکت کر رہا ہے۔ آج کافی دنوں کے بعد کینیڈین ڈالر بھی امریکی ڈالر کو آنکھیں دکھا رہا ہے اور 0.21 فیصد قدر واپس حاصل کر چکا ہے۔