UK CPI Report ریلیز کر دی گئی۔ جس کے بعد برطانوی پاؤنڈ کی قدر میں تیزی دیکھی جا رہی ہے۔

UK CPI Report کی تفصیلات۔

برطانوی دفتر برائے شماریات کی طرف سے جاری کردہ اعداد و شمار میں Headline Inflation کی سطح 6.7 فیصد رہی۔ معاشی ماہرین اس سے قبل 6.6 فیصد کی توقع کر رہے تھے۔ واضح رہے کہ گذشتہ ماہ کنزیومر پرائس انڈیکس 6.5 فیصد رہا تھا۔

اگر Core Inflation پر نظر ڈالیں تو اسکی ریڈنگ 6.1 فیصد آئی ہے۔ سابقہ رپورٹ میں یہ سطح 6.2 فیصد تھی۔ ماہانہ بنیادوں پر افراط زر میں 0.5 فیصد اضافہ ہوا۔ جبکہ 0.4 فیصد کی توقع تھی۔ اس طرح رپورٹ میں افراط زر توقعات کو مات دیتے ہوئے دوبارہ تین ماہ کی بلند ترین سطح پر آ گئی ہے۔

مارکیٹ کا ردعمل۔

ڈیٹا پبلش ہونے کے بعد امریکی ڈالر کے خلاف برطانوی پاؤنڈ (GBPUSD) میں اتار چڑھاؤ جاری ہے۔ ایشیائی سیشنز میں بحالی کے بعد یورپی مارکیٹس کے آغاز پر برطانوی ٹریڈنگ اثاثہ 0.02 فیصد کی معمولی تیزی کے ساتھ 1.2180 پر آ گیا ہے۔ قدر میں ریکوری کی ایک اور بڑی وجہ امریکی ڈالر کا دفاعی انداز اختیار کرنا بھی ہے۔