یورپی اسٹاکس میں آج کاروباری ہفتے کے دوسرے روز بھی مندی کا رجحان رہا ۔ توقعات کے برعکس  US Retail Sales Report آنے پر افراط زر کے رسک فیکٹر میںاضافہ  ہوا  ہے۔

امریکی رپورٹس یورپی اسٹاکس پر کیسے اثر انداز ہوئیں

امریکی محکمہ شماریات کے جاری کردہ اعداد و شمار میں   Retail Sales  کی ماہانہ سطح توقعات کے مطابق 0.7 فیصد رہی۔ جبکہ گذشتہ ماہ ب یہ ریڈنگ  0.2  فیصد  رہی تھی۔ ڈیٹا کے مطابق سالانہ سلز  03. فیصد رہی ہے جبکہ 0.2 فیصد کی پیشگوئی تھی۔

کئی پہلوؤں سے یہ رپورٹ توقعات سے زیادہ بہتر آئی ہے۔تاہم مسلسل ایک فیصد سے کم شرح کی وجہ سے  عالمی اسٹاکس میں افراط زر (Inflation) اور کساد بازاری کے رسک فیکٹر میں اضافہ  ہوا  ہے اور انکی طلب (Demand) میںکمی نوٹ کی گئی ہے۔

امریکی ڈالر اور اسکی پروڈکٹس میں اضافے  کی بڑی وجہ رپورٹ میں ذرائع توانائی کی فروخت  میں ہونیوالی کمی ہے جو کہ  Core Inflation کی علامت سمجھی جا رہی ہے  ۔ جس کی وجہ سے ستمبر 2023ء کی FOMC میٹنگ میں فیڈرل ریزرو کے پاس Rate Hike Program جاری رہنے  کا مضبوط جواز آ گیا ہے۔

ڈیٹا پبلش ہونے سے پہلے مارکیٹس دفاعی انداز اختیار کئے ہوئے تھیں۔ تاہم اسوقت یہ امریکی ڈالر ان کو بیک فٹ پر لے آیا ہے . اس کے علاوہ دنیا کی دوسری بڑی معیشت یعنی چین میں دیگر عالمی طاقتوں کے برعکس تفریط زر سے کساد بازاری کا خوف مارکیٹ پلیئرز کو سائیڈ لائن کر رہا ہے .

مارکیٹس کی صورتحال

FTSE100 میں منفی  رجحان دیکھا گیا ۔ انڈیکس 117 پوائنٹس کی مندی  کے ساتھ 7389 کی سطح پر بند ہوا  اسکی ٹریڈنگ رینج 7369 اور 7508 کے درمیان ہے۔ جبکہ مارکیٹ میں 46 کروڑ 32 لاکھ شیئرز کا لین دین ہوا.

Dax30 میں سرمایہ کاری کا انتہائی کم  حجم اور شیئر والیوم دیکھنے میں آئے  ہیں ۔ جرمن بینچ مارک انڈیکس 136 پوائنٹس کی گراوٹ  سے15767  پر آ گیا ہے۔ اسکی کم ترین سطح 15703 اور بلند ترین 15923 رہی ہے۔ اسکی مارکیٹ کیپٹیلائزیشن میں 0.85 فیصد کمی  ہوئی  ہے۔ جبکہ ٹریڈ ہونیوالے شیئرز کی تعداد 4 کروڑ  53  لاکھ رہی ۔

دیگر یورپی مارکیٹس پر نظر ڈالیں تو CAC40 میں 81 پوائنٹس کیمندی  واقع ہوئی ہے۔ جس کے بعد یہ 7267 پر آ گیا ہے۔ جبکہ اس میں 3 کروڑ 60 لاکھ شیئرز کا تبادلہ  ہوا ۔ FTSEMIB میں 160 پوائنٹس کا اضافہ ہوا ہے۔  جس سے انڈیکس28435 پر پہنچ گیا ہے۔ مارکیٹ میں متاثرکن شیئر والیوم ریکارڈ کیا گیا ۔ اختتامی سیشن میں 43 کروڑ سے زائد شیئرز ٹریڈ  ہوۓ

سوئس مارکیٹ انڈیکس (SMI) میں بھی شدید مندی  کا رجحان رہا ۔ معاشی سرگرمیاں بند ہونے پر  یہ 124 پوائنٹس نیچے  10985 پر ٹریڈ کر رہا تھا.