5 اکتوبر 2022: آج پاکستانی اسٹاکس کی قدر میں اضافے کا مسلسل تیسرا دن ہے۔ آج حصص ( Shares ) کی خرید و فروخت کے حجم کے لحاظ سے ابھی تک ورلڈ کال ٹیلی کمیونیکیشن لیمیٹڈ (WTL ) سب سے نمایاں ہے جس کے 19 کروڑ سے زائد ریکارڈ حصص اب تک فروخت ہو چکے ہیں۔ اور اسکی فی حصص قیمت 9 پیسے اضافے کے ساتھ 1 روپے 72 پیسے کی سطح پر آ گئی ہے۔ جبکہ ٹی۔آر۔جی (TRG ) 99 لاکھ سے زائد حصص کے لین دین کے ساتھ دوسرے نمبر پر ہے اسکی قدر بھی 6 روپے سے زائد اضافے کے ساتھ 140 روپے 47 پیسے پر آ گئی ہے۔ جی۔تھری ٹیکنالوجی کلاس بی ( GTECHBR ) آج 92 لاکھ حصص کے ساتھ تیسرے نمبر پر ہے۔ ان کے علاوہ سلک بینک (SILK ), جی۔تھری ٹیکنالوجی ( GTECH ), فلائنگ سیمنٹ ( FLYNG ), کراچی الیکٹرک ( KEL ), ہیزکول لیمیٹڈ (HASCOL ), ٹی۔پی۔ایل پراپرٹیز (TPLP ) اور سنرجیکو پاکستان لیمیٹڈ ( CNERGY ) بھی سرمایہ کاری کے حجم ( Capitalization ) اور حصص کی تعداد ( Share Volume ) کے لحاظ سے نمایاں اسٹاکس میں شامل ہیں۔
سیکٹر پرفارمنس ( Sector Performance ) کے اعتبار سے سیمنٹ سیکٹر اور ٹیکنالوجی اینڈ کمیونیکیشن سیکٹرز سرمایہ کاروں کی توجہ حاصل کرنے میں سب سے کامیاب رہے ہیں۔