پاکستان اسٹاک ایکسچینج میں نئے کاروباری ہفتے کے آغاز میں ملا جلا رجحان دیکھنے میں آ رہا ہے۔ خرید و فروخت کے آغاز میں انڈیکس 42 ہزار کی نفسیاتی حد عبور کر گیا تاہم اس کے بعد تیزی کا مومینٹم برقرار نہ رہ سکا اور مارکیٹ میں مسلسل اتار چڑھاؤ جاری ہے۔ اسوقت کے۔ایس۔ای ہنڈرڈ انڈیکس 27 پوائنٹس کے اضافے کے ساتھ 41975 کی سطح پر ٹریڈ کر رہا ہے۔ یہاں یہ بھی بتاتے چلیں کہ گزشتہ ہفتے کے دوران انڈیکس میں 3 ہزار پوائنٹس کی کمی واقع ہو چکی ہے۔