پاکستان کے سب سے بڑے صوبہ پنجاب میں سیاسی عدم استحکام اپنی انتہاء کو پہنچنے اور گورنر پنجاب کی طرف سے وزیر اعلی پرویز الہی کو ڈی نوٹیفائی کئے جانے کے بعد معاملہ عدالت تک پہنچ گیا ہے۔ ایسے میں سرمایہ کار اپنی پوزیشنز فروخت کر رہے ہی اور کیپیٹل مارکیٹ سے سرمائے کا انخلاء جاری ہے۔ ملک کی معاشی اور سیاسی صورتحال معاشی اعشاریوں (Financial Indicators) پر انتہائی منفی اثرات مرتب کر رہی ہے۔ پاکستان اسٹاک ایکسچینج 40 ہزار کی بنیادی سپورٹ سے نیچے آ چکی ہے اور 2018ء میں پانامہ گیٹ اسکینڈل کے بعد پہلی بار مارکیٹ رواں ماہ کے آغاز سے مسلسل گراوٹ کی شکار ہے۔آج بھی PSX میں انتہائی کم سرمائے کا حجم (Capitalization) اور شیئر والیوم کی کمی کے ساتھ ٹریڈ کر رہی ہے۔ ابتدائی سیشن کے دوران صرف 209 کمپنیاں ٹریڈ میں حصہ کئ رہی ہیں جو کہ مجموعی تعداد کا صرف 60 فیصد ہے۔ اسوقت تک محض 18 ہزار ٹرانزیکشنز ہوئی ہیں۔

آج KSE100 انڈیکس آغاز میں 95 پوائنٹس کی کمی کے ساتھ 39742 کی سطح پر ٹریڈ کر رہا ہے۔ دوسری طرف KSE30 انڈیکس 45 پوائنٹس نیچے 14637 کی سطح پر گراوٹ کا شکار ہے۔