PSX میں کاروباری دن کا اتار چڑ ھاؤ کے بعد مثبت اختتام

پاکستان اسٹاک ایکسچینج (PSX) میں عالمی مارکیٹس کے اثرات کے باعث دن بھر اتار چڑھاؤ جاری رہا ۔ جمعہ کی صبح ابتدائی کاروباری سیشن میں بینچ مارک KSE100 انڈیکس میں تقریباً 400 پوائنٹس کا نمایاں اضافہ دیکھا گیا تھا۔ تاہم اسکے بعد دن بھر ٹریڈنگ والیوم کی کمی کے باعث زیادہ تر سرمایہ کار سائیڈ لائن دکھائی دیئے۔ اختتامی سیشن کے دوران خریداری کی کسی حد تک واپسی سے کاروباری ہفتے کے آخری سیشن کا اختتام 233 پوائنٹس کے اضافے کے ساتھ ہوا۔

یہ پیشرفت ایک ایسے وقت میں سامنے آئی ہے جب آج چیئرمین فیڈرل ریزرو کیون واش کے مانیٹری پالیسی بارے بیانات کے بعد عالمی مارکیٹس میں اتار چڑھاؤ کے بعد استحکام لوٹ رہا ہے اور مقامی سطح پر فیڈرل بورڈ آف ریونیو (FBR) نے ٹیکس گوشوارے جمع کرانے کی تاریخ میں توسیع کر دی ہے۔

اس مضمون میں ہم جائزہ لیں گے کہ PSX میں جاری اس تیزی کے بنیادی اسباب کیا ہیں، کون سے شعبے اس موومنٹ کی قیادت کر رہے ہیں، اور عالمی اقتصادی منظر نامہ مقامی سرمایہ کاروں پر کس طرح اثر انداز ہو رہا ہے۔

PSX پر اثرانداز ہونیوالے عوامل

PSX میں KSE100 انڈیکس کی موجودہ رفتار سرمایہ کاروں کے ملے جلے رجحان کی عکاسی کرتی ہے۔ اختتامی لمحات میں بینچ مارک انڈیکس 165956 کی سطح پر ٹریڈ کر رہا تھا، جو کہ 223پوائنٹس یا 0.14 فیصد اضافے کو ظاہر کر رہا ہے۔ اس سے قبل جمعرات کے روز بھی انڈیکس میں 768.66 پوائنٹس (0.46%) کا اضافہ ہوا تھا اور مارکیٹ 166186 پوائنٹس پر بند ہوئی تھی۔

مارکیٹ میں اس قدرے مثبت اختتام کی بنیادی وجوہات میں بنیادی شعبوں میں اداروں کی خریداری (Institutional Buying) شامل ہے جہاں بڑے ادارے اور میوچل فنڈز بڑے شیئرز میں سرمائے کی فراہمی جاری رکھے ہوئے ہیں۔ اس کے علاوہ ٹیکس پالیسی میں نرمی یعنی ایف بی آر کا ٹیکس گوشواروں کی تاریخ میں توسیع کا فیصلہ مارکیٹ میں فوری لیکیویڈیٹی ڈرین کو روکتا ہے، تاہم اس کے باوجود محدود رینج کی بنیادی وجہ سرمایہ کاروں کی اکثریت کا سائیڈ لائن ہونا ہے۔

عالمی سطح پر تناؤ میں وقتی کمی کے تحت اگرچہ مشرق وسطیٰ اور سعودی عرب پر حوثی حملوں سے جیو پولیٹیکل خدشات موجود ہیں، لیکن عالمی سطح پر خام تیل کی قیمتوں میں $105 تک کی نرمی نے امپورٹ بل کے دباؤ کو کم کیا ہے۔

ہیوی ویٹ اسٹاکس کی صورتحال

PSX میں جاری موجودہ پیشرفت کی خاص بات یہ ہے کہ یہ ملا جلا رجحان چند محدود شیئرز تک محدود نہیں بلکہ آج سارا دن تمام سیکٹرز کی یہی صورتحال رہی۔ ریفائنریز کے شعبے میں اٹک ریفائنری (ARL)، پاور جنریشن میں حب پاور (HUBCO)، تیل و گیس کی تلاش کے شعبے میں ماری پیٹرولیم (MARI)، پاکستان آئل فیلڈز (POL) شامل رہے۔

پاکستان پیٹرولیم (PPL)، آئل مارکیٹنگ کمپنیوں میں پاکستان اسٹیٹ آئل (PSO)، اور کمرشل بینکنگ کے شعبے میں حبیب بینک (HBL)، ایم سی بی بینک (MCB)، میزان بینک (MEBL) اور یونائیتد بینک (UBL) مثبت (Bullish) رجحان کے ساتھ ٹریڈ کرتے رہے۔

ایف بی آر کی طرف سے ٹیکس ریٹرن کی تاریخ میں توسیع

فیڈرل بورڈ آف ریونیو (FBR) نے جمعرات کے روز ٹیکس سال 2026 کے لیے انکم ٹیکس ریٹرن فائل کرنے کی آخری تاریخ کو مزید توسیع دیتے ہوئے 31 اکتوبر 2026 کر دیا ہے۔ اس فیصلے سے تمام نادہندگان اور فعال ٹیکس دہندگان کو اضافی دو ہفتے مل گئے ہیں۔

ٹیکس توسیع کا مارکیٹ پر نفسیاتی اور مالی اثر یہ ہے کہ لیکیویڈیٹی کا تحفظ (Liquidity Protection) یقینی بنتا ہے کیونکہ جب ٹیکس کی آخری تاریخ قریب ہوتی ہے تو بہت سے ڈیلرز اور ادارے ٹیکس ادائیگیوں کے لیے اسٹاک فروخت کر کے نقد رقم حاصل کرتے ہیں، جبکہ تاریخ میں توسیع سے یہ فروخت کا دباؤ ٹل گیا ہے۔

اس کے ساتھ ساتھ سرمایہ کاروں کا اعتماد بھی بحال رہتا ہے کیونکہ ریگولیٹری اداروں کی جانب سے اس قسم کی سہولت سے تجارتی طبقے میں مثبت پیغام جاتا ہے، جس سے مارکیٹ میں روانگی برقرار رہتی ہے۔

چیئرمین فیڈ کے بیانات اور عالمی مارکیٹ کے اثرات

پاکستان کی اسٹاک مارکیٹ کو الگ تھلگ کر کے نہیں دیکھا جا سکتا۔ عالمی مارکیٹس میں ہونے والی تبدیلیوں کا براہ راست یا بالواسطہ اثر PSX پر پڑتا ہے۔ آج بینکاک میں عالمی مالیاتی فنڈ (IMF) کی سربراہ کرسٹیلینا جارجیوا کے ساتھ ملاقات کے موقع پر امریکی مرکزی بینک فیڈرل ریزور کے سربراہ کیون واش کا مانیٹری پالیسی بارے بیان سامنے آنے کے بعد عالمی اسٹاکس میں تیزی سے بحالی ریکارڈ کی گئی۔

اپنے بیان میں انہوں نے کہا ہے کہ قیمتوں کا استحکام ان کی ترجیح ہے تاہم وہ ابھی سے امریکی مانیٹری پالیسی کی سمت بارے کوئی پیشگوئی نہیں کر سکتے۔ان کے اس بیان سے فیڈرل ریزرو کی مانیٹری سمت بارے قیاس آرائیوں میں کمی آئی ہے جو کہ عالمی اسٹاکس کیلئے ایک بڑا ٹریگر ثابت ہوا اور اس کے بعد ایشیائی اسٹاکس میں بحالی ریکارڈ کی گئی ۔ واضح رہے کہ PSX کے KSE100 اور KSE30 انڈیکسز ایشیائی اسٹاکس کے بینچ مارک MCSI کا ایک حصہ ہے۔

دوسری طرف جاپان کا نکی انڈیکس (Nikkei) 1.8% کا اضافہ لے کر سامنے آیا جو کہ پچھلے دن کی 5% گراوٹ کے بعد تھا، جنوبی کوریا کا کوسپی (KOSPI) 2.8% بڑھ گیا جو تقریباً 8% پچھلے زوال کے بعد تھا، تائیوان کا اسٹاک بینچمارک 0.7% اوپر گیا، ہانگ کانگ کا ہینگ سینگ (Hang Seng) 1.1% ایڈ ہوا، اور مین لینڈ چین کے بلیو چپس 0.3% اوپر بند ہوئے۔

کماڈٹیز اور کرنسی مارکیٹ کے تناظر میں برینٹ کروڈ (Brent Crude) کی قیمت $105 فی بیرل کی طرف نیچے آئی ہے جو پاکستان کے کرنٹ اکاؤنٹ خسارے کے لیے ایک مثبت اشاریہ ہے، جبکہ سونے (Gold) کی قیمتوں میں جمعرات کی بلند ترین سطح کے بعد ہلکی کمی دیکھی گئی اور امریکی ڈالر پانچ ہفتوں میں اپنی پہلی ہفتہ وار گراوٹ کی طرف بڑھ رہا ہے کیونکہ بانڈ ییلڈز میں کمی نے ڈالر کی کشش کم کر دی ہے۔

اختتامیہ

پاکستان اسٹاک ایکسچینج (PSX) کا ملے جلے رجحان کے باوجود مثبت اختتام محض ایک عارضی مہم جوئی نہیں بلکہ ملکی معیشت میں ساختی اصلاحات اور کارپوریٹ سیکٹر کی پائیدار کارکردگی کی نفی کرتا ہے۔ جہاں ایک طرف عالمی مارکیٹس تکنیکی کمپنیوں کے قرضوں کی تشویش اور جغرافیائی تناؤ سے گزر رہی ہیں، وہیں پاکستان کی مارکیٹ کی اندرونی لیکیویڈیٹی اور کم ویلیو ایشنز اسے سرمایہ کاروں کے لیے پرکشش بنائے ہوئے ہیں۔

آپ کا کیا خیال ہے؟ کیا KSE100 انڈیکس موجودہ رفتار کے ساتھ جلد ہی 170,000 کا ہندسہ عبور کر لے گا، یا ہم عنقریب ایک مختصر تصحیح (Correction) دیکھیں گے؟کمنٹس باکس میں تبصرہ کر کے اپنی رائے کا اظہار کریں۔

اہم وضاحت

Urdu Markets پر موجود تمام خبریں، تجزیے اور مارکیٹ انفارمیشن صرف معلوماتی اور تعلیمی مقصد کے لیے ہیں۔ کسی بھی Trading Decision یا سرمایہ کاری سے پہلے اپنی تحقیق ضرور کریں اور ضرورت پڑنے پر معاشی ماہرین سے رہنمائی حاصل کریں۔ مارکیٹ تیزی سے بدل سکتی ہے، اس لیے ہر فیصلہ سوچ سمجھ کر کریں۔

سورس (Source)

Pakistan Stock Market News, PSX Business News & Updates | Investify