BOE Monetary Policy کا اعلان کر دیا گیا۔ مانیٹری پالیسی کمیٹی نے شرح سود بغیر تبدیلی کے برقرار رکھی ہے۔ فیصلے کے بعد برطانوی پاؤنڈ میں ملا جلا رجحان  دیکھا جا رہا ہے۔

BOE Monetary Policy کی تفصیلات

بینک آف انگلینڈ کی طرف سے جاری کئے جانیوالے پریس ریلیز کے مطابق مانیٹری کمیٹی کا دو روزہ اجلاس لندن میں منعقد کیا گیا۔ پالیسی ساز اراکین نے ملک میں Headline Inflation کی کم ہوتی ہوئی سطح بالخصوص تازہ ترین UK CPI Report پر اطمینان کا اظہار کیا۔ دوران اجلاس نوٹ کیا گیا کہ معاشی ترقی کے طویل المدتی اہداف حاصل کرنے کے لئے Policy Tightening Cycle کو معطل کر دیا جائے۔ تا کہ لیبر مارکیٹ پر دباؤ میں کمی لائی جا سکے۔

ممبران کمیٹی نے اس پوائنٹ پر اتفاق کیا کہ ٹرمینل ریٹس کو 5.25 فیصد پر برقرار رکھا جائے اور مستقبل میں اگر افراط زر کی صورتحال کا جائزہ لے کر حالات کے مطابق فیصلہ کیا جائے۔ میٹنگ میں کنزیومر پرائس انڈیکس کو 2 فیصد تک محدود کرنے کے عزم کا بھی اعادہ کیا گیا۔ کمیٹی ارکان نے معاشی چیلنجز سے نمٹنے کے لئے بینکوں کی لیکوئیڈٹی کو مستحکم رکھنے پر بھی زور دیا۔

کیا بینک آف انگلینڈ فیڈرل ریزرو کے نقش قدم پر چل رہا ہے۔ ؟

برطانیہ میں افراط زر ابھی بھی 6 فیصد سے اوپر ہے۔ جو کہ G-20 ممالک میں سب سے زیادہ ہے۔ اس لئے مرکزی بینک کے اس فیصلے کو حیران کن قرار دیا جا رہا ہے۔ معاشی ماہرین فیصلے کو فیڈرل ریزرو کا چربہ قرار دے ریے ہیں۔ ان کے مطابق امریکہ اور برطانیہ کے معاشی حالات بالکل مختلف ہیں۔ یورپی ملک کساد بازاری (Recession) کی بدترین لہر کا سامنا کر رہا ہے۔ اس لئے رواں ماہ 25 بنیادی پوائنٹس اضافے کی توقع کی جا رہی تھی۔

برطانوی پاؤنڈ پر اثرات۔

مانیٹری فیصلہ سامنے آنے پر امریکی ڈالر کے خلاف برطانوی پاؤنڈ (GBPUSD) میں ملا جلا رجحان دیکھا جا رہا ہے ۔ جو کہ 1.2200 کی نفسیاتی سطح عبور کرتے ہوئے 1.2211 کے قریب ٹریڈ کر رہا ہے۔ واضح رہے کہ اگست  2023 کے دوران  یہ تاریخ کی بلند ترین سطح 1.3300 پر پہنچ گیا تھا۔ آج برطانوی پاؤنڈ کے مستحکم رہنے کی بڑی وجہ پہلے سے ہے شرح سود میں کسی تبدیلی نہ کیے جانے کی توقعات تھیں .

اسٹاکس کا ردعمل۔

بینچ مارک انڈیکس FTSE100 میں تیزی کا  جاری ہے۔ انڈیکس 90 پوائنٹس اوپر 7473 پر ٹریڈ کر رہا ہے۔ اسکی ٹریڈنگ رینج 7342 سے 7746 کے درمیان ہے۔ جبکہ مارکیٹ میں سرمایہ کاری کے رجحان میں بھی نمایاں اضافہ  واقع ہوا  ہے۔ اسوقت تک ٹریڈ ہونیوالے شیئرز کی تعداد 20 کروڑ 30 لاکھ ہے۔ جبکہ  مارکیٹ کیپٹیلائزیشن میں 1.23 فیصد اضافہ ریکارڈ کیا گیا ہے۔