FOMC Monetary Policy بغیر کسی تبدیلی کے برقرار رکھی گئی ہے . جبکہ سربراہ Federal Reserve جیروم پاول نے اپنی پریس کانفرنس میں واضح کیا ہے کہ وہ High Interest Rates طویل عرصے تک ہولڈ کرنے کی غلطی نہیں کریں گے . فیصلہ سامنے آنے کے بعد US Dollar کی طلب میں شدید کمی ریکارڈ کی گئی ہے. جبکہ اس کے مقابلے میں دیگر Currencies ، Stocks اور Commodities میں تیزی کا رجحان جاری ہے  .

FOMC Monetary Policy کا اعلان. Policy Rates بغیر کسی تبدیلی کے برقرار.

بدھ اور جمعرات کی درمیانی شب سینئر پالیسی ساز اراکین کی میٹنگ کے اختتام پر FOMC Monetary policy کا اعلان کر دیا گیا . Committee نے مسلسل دوسرے ماہ توقعات کے مطابق Terminal Rates بغیر کسی تبدیلی کے 5.6 فیصد پر برقرار رکھنے کا فیصلہ کیا .

Fed کی جانب سے جاری کئے جانیوالے پریس ریلیز میں بتایا گیا ہے کہ کم ہوتی ہوئی Headline Inflation اور Labor Market پر دباؤ میں کمی کو مدنظر رکھتے ہوئے شرح سود میں کوئی تبدیلی نہیں کی گئی. علاوہ ازیں اکثریتی ممبران کی رائے کے مطابق Growth Rates میں اضافے کیلئے آئندہ سال سے Policy Rates میں مرحلہ وار کمی کرنے کا بھی فیصلہ کیا گیا ہے. دسمبر 2024 کیلئے Fed Rate Forecast پیشگوئیوں کے برعکس 4.6 فیصد رکھی گئی ہے . 

جیروم پاول کی پریس کانفرنس.

Monetary policy Statement جاری ہونے کے آدھے گھنٹے بعد Federal Reserve کے سربراہ جیروم پاول نے پریس کانفرنس سے خطاب کرتے ہوئے فیصلے کا دفاع کیا ، انہوں نے کہا کہ میٹنگ کے دوران Interest Rate میں کمی کے طریقہ کار پر بحث کی گئی . جیروم پاول نے 1970 کی دہائی میں اپنائی گئی سخت Monetary Policy کے منفی نتائج کی مثال دیتے ہوئے کہا کہ وہ طویل عرصے تک بلند Rates برقرار رکھنے کی غلطی نہیں دوہرائیں گے .

انہوں نے کہا کہ US GDP مشکل حالات کے باوجود توقعات سے بہتر رہا ہے۔ امریکی عوام کی قوت خرید میں اضافہ اور CPI میں بتدریج کمی واقع ہو رہی ہے جس کو جلد 2 فیصد تک لانے میں کامیابی حاصل کر لی جائے گی۔

Federal Reserve کے سربراہ نے کہا کہ Cash Rates ہمیشہ نہیں بڑھائے جا سکتے۔ ان کا کہنا تھا کہ امریکی بینکوں میں لیکوئیڈٹی کے کوئی مسائل نہیں ہیں اور مالیاتی نظام مضبوط بنیادوں پر قائم ہے۔

مارکیٹ کا ردعمل.

FOMC فیصلہ سامنے آنے اور جیروم پاول کی پریس کانفرنس کے بعد US Dollar Index میں شدید گراوٹ دیکھی گئی ، جبکہ US Dollar کے مقابلے میں Swiss Franc ، Euro اور British Pound سمیت دیگر تمام کرنسیز میں تیزی آئی ہے . US Bonds Yields میں کمی کا بھرپور ایڈوانٹیج Commodities نے حاصل کیا ہے ، فیصلے کے آدھے گھنٹے بعد Gold Price چالیس ڈالرز اضافے کے ساتھ 2020 سے اوپر جا چکی تھی . Silver اور دیگر دھاتوں کی قیمتوں میں بھی تیزی ریکارڈ کی گئی ہے .