German GDP Report ریلیز کر دی گئی ۔ جس کے بعد Dax30 اور یورو میں ملا جلا رجحان دیکھا جا رہا ہے۔

German GDP Report توقعات کے مطابق لیکن منفی اعداد و شمار پر مشتمل

جرمن ادارہ برائے شماریات کے جاری کردہ ڈیٹا میں دوسرے کوارٹر کے دوران GDP کی شرح 0.00 فیصد رہی۔ جبکہ اس سے قبل اتنی ہی پیشگوئی تھی۔ یہاں یہ بھی بتاتے چلیں کہ گذشتہ کوارٹر میں یہ ریڈنگ منفی 0.2 فیصد آئی تھی۔

جرمن معیشت بحران کی شکار

اعداد و شمار کا تقابلہ کریں تو یہ رپورٹ گذشتہ ایک سال میں بہترین ہے۔ تاہم قومی آمدنی (National Income) کا مسلسل صفر یا اس سے کم رہنا سنگین معاشی حالات کی نشاندہی کر رہا ہے۔ یورپ کی یہ سب سے بڑی معیشت یوکرائن پر روسی حملے کے نتیجے میں سب سے زیادہ متاثر ہوئی۔

امریکہ اور اتحادی ممالک کی طرف سے سخت معاشی پابندیوں کے جواب میں روس نے نارڈ اسٹریم 1 پائپ لائن بند کر دی تھی۔ جس سے جرمنی سمیت پورا یورپ توانائی کے سنگین بحران کا شکار ہوا اور Headline Inflation کی سطح دوہرا ہندسہ عبور کر گئی۔ 18 ماہ گذرنے کے باوجود ابھی تک معاشی سرگرمیاں جنگ سے قبل کی سطح پر بحال نہیں ہو پائیں۔

مارکیٹ کا ردعمل

ڈیٹا پبلش ہونے کے بعد Dax30 میں ملا جلا رجحان دیکھا جا رہا ہے۔ انڈیکس 8 پوائنٹس کے اضافے سے 16629 کی سطح پر آ گیا۔ جبکہ یورو میں بھی مکسڈ ٹرینڈ ہی دکھائی دے رہا ہے۔