جینیٹ ییلین کے بیان پر US Dollar Index میں بحالی کا مومینٹم دیکھا جا رہا ہے۔ واضح رہے کہ آج صبح سے مارکیٹ میں والیوم کی کمی اور سرمایہ کاروں کا محتاط انداز ریکارڈ کیا جا رہا ہے۔

سیکرٹری جینیٹ ییلین نے کیا کہا ؟

امریکی نشریاتی ادارے بلومبرگ کو دیئے گئے انٹرویو کے دوران سیکرٹری خزانہ کا کہنا تھا کہ چینی گروتھ ریٹ توقعات سے زیادہ کم ہے جو کہ عالمی مارکیٹس اور رسد کے توازن کیلئے انتہائی تشویشناک ہے۔ ان کے مطابق یہ رسک فیکٹر کساد بازاری (Recession) کا سبب بن سکتا ہے۔

انہوں نے مزید کہا کہ چینی قیادت کورونا کے بعد معاشی بحالی کی قابل ستائش کوششیں کر رہی ہے تاہم یہ حقیقت ہے کہ اسے کچھ عرصہ درکار ہے۔

جینیٹ ییلین نے انٹرویو کے دوران تصدیق کی کہ U.S China Tensions میں کمی کی کوششیں ہو رہی ہیں۔ انہوں نے مفصل انداز میں اعتراف کیا کہ چین کے بغیر بین الاقوامی معاشی توازن قائم نہیں کیا جا سکتا۔ انکا کہنا تھا کہ چینی کمپنیوں پر ٹیرفس کے خاتمے کیلئے بائیڈن انتظامیہ مختلف تجاویز پر غور کر رہی ہے۔

مارکیٹ کا ردعمل

سیکرٹری خزانہ کے اس بیان کے بعد امریکی ڈالر انڈیکس (DXY) میں بحالی کی نئی لہر دیکھی جا رہی ہے۔ جبکہ USD کے مقابلے میں دیگر کرنسیز میں اتار چڑھاؤ ریکارڈ کیا گیا ہے۔